سجل حضورك ببيت شعر ....

السلام عليكم
كيف حالكم اليوم ان شاء الله بخير
اللعبه بسيطه كل اللي ابيه منكم انكم اذا دخلتوا على موضوعي تكتبون بيت شعر على ذوقكم
واذا كتبتوه تكتبون اسم الشاعر وعنوان الشعر

اتمنى ان الفكره تعجبكم .....
انا راح ابدأ:

بعيد تاركني
بعيد تاركني ادور لك اعذار على الغياب و صدتك و انعزالك ..
معقول ما جالك على البال زوار اللي عطالك فرحته ما طرالك ..

شهرين و اسرار الغلا ما لها دار تاهت و هي تبحث في غابة خيالك ..
ما تدري ان مفارق الخل جبار و ان الفراق اكبر سبب للمهالك ..

انا وحيد و ما معي غير تذكار لو تنشده عن حال خلك حكالك ..

كانت حياتي قبلك دروب و اسفار حتى ملكت اللي بقى في وصالك ..

حبيبك محطم جروح ٍ و منهار حاله عليك من الوله عكس حالك ..

قبلك انا و سهيل و الجدي سمار نشرح تغنج حلاك و دلالك ..

نسـيـتـني في الليل و نجوم الاسحار قيلت مالي مـرقـد ٍ في ضلالك ..

خليتني اتعب على جزل الافكار قلت القصيد وقلت لك طاب فالك ..

نقلت قدام العدد كل الاصفار حطيتني رغم الفقر راس مالك ..

انا غريب الدار غريب بالأطوار بالمختصر انا خذت لك شخص هالك ..

و الحين من شهرين من صار ما صار و انا اتمنى يا حبيبي سوالك ..

بالله ما جيتك على البال زوار طيفي دخيل الله ما قد طرالك ..
هذا الشعر من اشعارالشيخ حمدان بن راشد آل مكتوم(فزاع)
اتمنى ان الفكره تعجبكم

على درب الهوى جينا ..من أول ما تلاقينا
تغير كل ما فينا ....وعشنا فرحة الأزمان

تحيـــآتي

البراقع

صادفني ثلاث احترت وياهن
ابهرني صحيح وقمت اطالعهن
طولهن واحد ولبستهن وممشاهن
والله اعلم بعد يمكن طبايعهن
زاهيات براقعهن وتزهاهن
لعنبوا جدهن محلى براقعهن
قمت اعدد على نفسي مزاياهن
وقمت اهوجس على نفسي وانا اتبعهن
واستدارن وبجنبي شخص ناداهن
قلت ذي فرصتي بقصد واسمعهن
القصايد مع اني حافظ ارداهن
ارتبكت واعجزت اتذكر اروعهن
والسوالف بعد خلني انساهن
ضيعني صحيح الله يضيعهن
والدليل اني تخربطت وياهن
جيت اسلم عليهم قمت اودعهن

الشعر لخالد المريخي(صح لسانه)

تحياتي

حقيقٌ بالتواضع من يموتُ ×× ويكفي المرء من دنياهـ قوت

» ~سجل حضورك اليومي بذكر الرسول ~
» سجل حضورك بتعجيل الفرج لصاحب الزمان عج